3 weeks ago
10
ARTICLE AD BOX
କଟକ: ମହିଳା ବ୍ୟବସାୟୀଙ୍କୁ ମରଣାନ୍ତକ ଆକ୍ରମଣ କରି ୩୬ ଲକ୍ଷ ଟଙ୍କା ନଗଦ ଲୁଟିନେଲେ ୬ ଲୁଟେରା । ରବିବାର ରାତି ପ୍ରାୟ ୧୦ ରୁ ୧୦.୩୦ ମଧ୍ୟରେ ପିଙ୍କି ସାହା ନାମକ ଜଣେ ମହିଳା ଓ ତାଙ୍କ ସହ ଥିବା ଜଣେ ଗହଣା ଦୋକାନୀ କର୍ମଚାରୀ ଓଏମପି ଛକ ସ୍ଥିତ କଲିକତା ବସ୍ ଷ୍ଟପ୍ କୁ ସ୍କୁଟିରେ ଯିବା ସମୟରେ ଜାତୀୟ ରାଜପଥ ୧୬ ତାଳଦଣ୍ଡା କେନାଲ ବ୍ରିଜ୍ ଉପରେ ୬ ଜଣ ଲୁଟେରା ହଠାତ୍ ଗାଡ଼ି ଅଟକାଇବା ସହ ଅତର୍କିତ ଆକ୍ରମଣ କରିଥିଲେ। ପିଙ୍କି ପ୍ରତିବାଦ କରିବାରୁ ତାଙ୍କୁ ମାରଣାସ୍ତ୍ର ଦେଖାଇବା ସହ ଲୁହାଛଡ଼ ରେ ଆକ୍ରମଣ କରି ଟଙ୍କା ବୋଝେଇ ବ୍ୟାଗ୍ ଧରି ବାଇକ୍ ଯୋଗେ ଫେରାର ହୋଇ ଯାଇଥିଲେ ସମସ୍ତ ଦୁର୍ବୃତ୍ତ। ଆହତ ଅବସ୍ଥାରେ ରାସ୍ତାରେ ପଡ଼ିଥିବା ପିଙ୍କିଙ୍କୁ ପୁଲିସ ଉଦ୍ଧାର କରି ଏସସିବି ମେଡିକାଲକୁ ଚିକିତ୍ସା ପାଇଁ ପଠାଇଥିଲା।
Dead ody Found: ସମୁଦ୍ରରେ ଓଲଟିଲା ଜୟ ମା କାଳୀ: ୯ ମୃତଦେହ ଉଦ୍ଧାର
ପିଙ୍କିଙ୍କ ବୟାନ ରେକର୍ଡ
ପିଙ୍କି ସାହା ଜଣେ ସୁନା ବ୍ୟବସାୟୀ ହୋଇଥିବା ବେଳେ କଲିକତା ସୁନା ଅଳଙ୍କାର କିଣିବା ପାଇଁ ବସ୍ ଯୋଗେ ଓ ଏମ୍ ପି ରୁ ୧୦.୩୦ ରେ ବାହାରିବାର ଥିଲା। ଏହାର କିଛି ମିନିଟ୍ ପୂର୍ବରୁ ରାଜରାସ୍ତାରେ ଲୁଟ କରି ଚମ୍ପଟ୍ ମାରିଲେ ଲୁଟେରା। ଏନେଇ ପିଙ୍କିଙ୍କ ସମ୍ପର୍କୀୟମାନେ ମଧୁପାଟଣା ଥାନାରେ ପହଞ୍ଚି ଘଟଣା ସମ୍ପର୍କରେ ଥାନାରେ ଅଭିଯୋଗ କରିଛନ୍ତି। ପୁଲିସ ଟିମ୍ ମେଡିକାଲରେ ପହଞ୍ଚି ପିଙ୍କିଙ୍କ ବୟାନ ରେକର୍ଡ କରିବା ସହ ଘଟଣାର ତଦନ୍ତ ଆରମ୍ଭ କରିଛି। ପ୍ରଶ୍ନ ଉଠୁଛି, ୩୬ ଲକ୍ଷ ଟଙ୍କା ଧରି କଲିକତା ଯାଉଥିବା ଖବର ଲୁଟେରାମାନେ ଜାଣିଲେ କିପରି? ଟଙ୍କା ନେଇଯାଉଥିବାର ଖବର ଗହଣା ବ୍ୟବସାୟୀଙ୍କ କେହି କର୍ମଚାରୀ ଲିକ୍ କରିଛନ୍ତି କି, ପୁଲିସକୁ ନ ଜଣାଇ ଏତେ ରାତିରେ ନିକାଞ୍ଚନ ରାସ୍ତାରେ ଯିବା ପଛରେ ରହସ୍ୟ କଣ, ଏ ସବୁ ଦିଗକୁ ନେଇ ପୁଲିସ ଖୋଳତାଡ଼ କରୁଛି।
