1 hour ago
1
ARTICLE AD BOX
ବେଙ୍ଗାଲୁରୁ: କର୍ଣ୍ଣାଟକର ଉଡୁପି ଜିଲ୍ଲାରେ ଏକ ଅଭାବନୀୟ ଘଟଣା ଘଟିଛି। ବ୍ୟକ୍ତିଗତ ସମସ୍ୟାକୁ ନେଇ ମାନସିକ ଭାବେ ଚିନ୍ତିତ ଥିବା ଜଣେ ମହିଳା ଆତ୍ମହତ୍ୟା ଉଦ୍ଦେଶ୍ୟରେ କୁମାରଧାରା ନଦୀକୁ ଡେଇଁ ପଡ଼ିଥିଲେ। ନଦୀରେ ଥିବା ଏକ କୁମ୍ଭୀର ତାଙ୍କୁ ଆକ୍ରମଣ କରିଥିଲା। ଭୟରେ ମହିଳା ଜଣକ ଉଦ୍ଧାର ପାଇଁ ଚିତ୍କାର କରିଥିଲେ। ତେବେ ପୁଲିସ ଓ ସ୍ଥାନୀୟ ଲୋକଙ୍କ ଉଦ୍ୟମରେ ମହିଳାଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।
ବ୍ୟକ୍ତିଗତ ସମସ୍ୟାକୁ ନେଇ ଚିନ୍ତିତ ଥିଲେ ମହିଳା
ପୁଲିସ ସୂଚନା ଅନୁଯାୟୀ, ବୁଧବାର ରାତିରେ କୁକ୍କେ ସୁବ୍ରମଣ୍ୟସ୍ଥିତ କୁମାରଧାରା ପୋଲ ନିକଟରେ ଏହି ଘଟଣା ଘଟିଥିଲା। ମହିଳା ଜଣକ ନିଜର କିଛି ବ୍ୟକ୍ତିଗତ ସମସ୍ୟାକୁ ନେଇ ଚିନ୍ତିତ ଥିଲେ। ଏହି କାରଣରୁ ସେ ଜୀବନ ହାରିବା ଉଦ୍ଦେଶ୍ୟରେ ନଦୀକୁ ଡେଇଁ ପଡ଼ିଥିଲେ। ସେ ପାଣିରେ ଥିବାବେଳେ ଏକ କୁମ୍ଭୀର ତାଙ୍କୁ କାମୁଡ଼ି ଦେଇଥିଲା। ଫଳରେ ତାଙ୍କ ଶରୀରରେ ସାମାନ୍ୟ ଆଘାତ ଲାଗିଥିଲା।
ମହିଳାଙ୍କ ଚିତ୍କାର ଶୁଣି ସହାୟତା ପାଇଁ ଆଗେଇ ଆସିଲେ ଲୋକେ
କୁମ୍ଭୀର ଆକ୍ରମଣ ପରେ ମହିଳା ଜଣକ ଜୀବନ ବଞ୍ଚାଇବା ପାଇଁ ଚିତ୍କାର କରିଥିଲେ। ତାଙ୍କ ଚିତ୍କାର ଶୁଣି ଜଣେ କର୍ମଚାରୀ ପୁଲିସକୁ ଖବର ଦେଇଥିଲେ। ସୂଚନା ପାଇବା ମାତ୍ରେ ସୁବ୍ରମଣ୍ୟ ପୁଲିସ ଘଟଣାସ୍ଥଳରେ ପହଞ୍ଚିଥିଲା। ସ୍ଥାନୀୟ ଲୋକଙ୍କ ସହାୟତାରେ ମହିଳାଙ୍କୁ ନଦୀରୁ ଉଦ୍ଧାର କରି ସୁରକ୍ଷିତ ସ୍ଥାନକୁ ଅଣାଯାଇଥିଲା। ପରେ ତାଙ୍କୁ ଏକ ସ୍ଥାନୀୟ ହସ୍ପିଟାଲକୁ ନିଆଯାଇଥିଲା। ସେଠାରେ ତାଙ୍କର ପ୍ରାଥମିକ ଚିକିତ୍ସା କରାଯାଇଛି।
ପରିବାର ସହ ଘରକୁ ପଠାଇଲା ପୁଲିସ
ଘଟଣା ସମ୍ପର୍କରେ ପୁଲିସ ମହିଳାଙ୍କ ପରିବାରକୁ ସୂଚନା ଦେଇଥିଲା। ମହିଳାଙ୍କ କାଉନସେଲିଂ କରାଯିବା ପରେ ତାଙ୍କୁ ପରିବାର ସହ ଘରକୁ ପଠାଇ ଦିଆଯାଇଛି। ଏହି ଘଟଣାରେ କୌଣସି ଅଭିଯୋଗ ଦାଖଲ ହୋଇନାହିଁ। ପରିବାରର ଅନୁରୋଧକ୍ରମେ ପୁଲିସ ମହିଳାଙ୍କ ପରିଚୟ ଗୋପନ ରଖିଛି।
ଅମିତାଭଙ୍କ ଘରଠାରୁ ହାଇକୋର୍ଟ, ଷ୍ଟକ୍ ଏକ୍ସଚେଞ୍ଜ୍କୁ ବୋମା ଧମକ! ତଦନ୍ତ ଆରମ୍ଭ କଲା ପୁଲିସ
