3 weeks ago
10
ARTICLE AD BOX
ସିଡ୍ନୀ: ହଲିଉଡର ଚର୍ଚ୍ଚିତ ଚଳଚ୍ଚିତ୍ର ‘ଜୁରାସିକ୍ ପାର୍କ’ର ଅଭିନେତା ସାମ୍ ନିଲ୍ଙ୍କର ୭୮ ବର୍ଷ ବୟସରେ ସିଡନୀଠାରେ ପରଲୋକ ଘଟିଛି। ୨୦୨୩ରେ ନିଲ୍ କର୍କଟ ରୋଗରେ ପୀଡ଼ିତ ବୋଲି ଜଣାପଡ଼ିଥିଲା। କିନ୍ତୁ ଚଳିତ ବର୍ଷ ଏପ୍ରିଲରେ ସେ କର୍କଟ-ମୁକ୍ତ ହୋଇଥିଲେ। ନିଲ୍ଙ୍କର ମୃତ୍ୟୁ ବେଳକୁ ତାଙ୍କ ନିକଟରେ ପରିବାରବର୍ଗ ଉପସ୍ଥିତ ଥିଲେ।
ଆହୁରି ପଢନ୍ତୁ: Manmohan Singh: ‘ମୁଁ ଆତ୍ମହତ୍ୟା କରିଦେବି...’: ୨୦୧୨ ଉତ୍ତରପ୍ରଦେଶ ନିର୍ବାଚନ ପୂର୍ବରୁ ଏମିତି କାହିଁକି କହିଥିଲେ ମନମୋହନ ସିଂହ
ନିଲ୍ ଉତ୍ତର ଆୟର୍ଲ୍ୟାଣ୍ଡରେ ଜନ୍ମଗ୍ରହଣ କରିଥିଲେ। ୭ ବର୍ଷ ବୟସରେ ସେ ନ୍ୟୁଜିଲ୍ୟାଣ୍ଡ ଚାଲି ଆସିଥିଲେ। ୧୯୯୩ ମସିହାରେ ପ୍ରଥମ ଜୁରାସିକ ପାର୍କ ଓ ସେହି ଫ୍ରାଞ୍ଚାଇଜର ଅନ୍ୟ ଚଳଚ୍ଚିତ୍ରରେ ନିଲ୍ଙ୍କୁ ଡ ଆଲାନ୍ ଗ୍ରାଣ୍ଟ ଭୂମିକାରେ ଦେଖିବାକୁ ମିଳିଥିଲା। ନିଲ୍ଙ୍କ ମୃତ୍ୟୁ ପରେ ସାଥୀ ଅଭିନେତା, ସଂଗୀତଜ୍ଞ ଓ ରାଜନେତାମାନଙ୍କ ପକ୍ଷରୁ ଗଭୀର ଶ୍ରଦ୍ଧାଞ୍ଜଳି ଦିଆଯାଇଛି। ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ କ୍ରିଷ୍ଟୋଫର ଲକ୍ସନ ନିଲ୍ଙ୍କୁ ଜଣେ ମହାନ ଅଭିନେତା ଭାବରେ ବର୍ଣ୍ଣନା କରିଛନ୍ତି। ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆନ୍ଥୋନି ଆଲବାନିଜ ନିଲ୍ ଅଷ୍ଟ୍ରେଲିଆ ଲୋକମାନଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଥିବା କହିଥିଲେ।
