1 week ago
8
ARTICLE AD BOX
ନୂଆଦିଲ୍ଲୀ: ଦକ୍ଷିଣ କୋରିଆର ଇଲେକ୍ଟ୍ରୋନିକ୍ସ କମ୍ପାନି ସାମସଙ୍ଗ ଭାରତରେ ପ୍ରାୟ ୧୦୦ ଜଣ ଅଧିକାରୀଙ୍କୁ ଚାକିରିରୁ ଛଟେଇ କରିଛି। କମ୍ପାନିର ଟେଲିଭିଜନ୍ ଓ ଘରୋଇ ଉପକରଣ ବ୍ୟବସାୟରେ ଏହି ଛଟେଇ ହୋଇଛି। ଗତ କିଛି ଦିନ ହେବ କମ୍ପାନି କର୍ମଚାରୀଙ୍କୁ ନୋଟିସ୍ ପଠାଉଛି। କିଛି କର୍ମଚାରୀଙ୍କୁ ନୋଟିସ୍ ପିରିୟଡ୍ର ସୁଯୋଗ ନ ଦେଇ ଚାକିରି ଛାଡ଼ିବାକୁ କୁହାଯାଇଛି।
କର୍ମଚାରୀଙ୍କୁ ନୋଟିସ୍ ପିରିୟଡ୍ ଶେଷ କରିବାର ସୁଯୋଗ ନଦେଇ ତୁରନ୍ତ ଚାକିରି ଛାଡ଼ିବାକୁ କୁହାଯାଇଥିବା ମଧ୍ୟ ଜଣାପଡ଼ିଛି। ନିର୍ଦ୍ଦେଶକ ସ୍ତରର ଅଧିକାରୀ, ଟିମ୍ ଲିଡର୍, ମୁଖ୍ୟ କାର୍ଯ୍ୟାଳୟ ଅଧିକାରୀ, ଶାଖା ପ୍ରବନ୍ଧକ ଓ ଏରିଆ ମ୍ୟାନେଜର୍ ବର୍ଗରେ ଛଟେଇ ହୋଇଛି।
Fake job: ଚାକିରି ନାଁରେ ଠକେଇ: ମୁଖ୍ୟ ଅଭିଯୁକ୍ତଙ୍କ ସମେତ ୪ ଗିରଫ
ସୂଚନା ଅନୁସାରେ ଆଗାମୀ ଦିନରେ ସାମସଙ୍ଗର ଛଟେଇ ସଂଖ୍ୟା ବଢ଼ିବା ଆଶଙ୍କା ରହିଛି। ଏହାର ସେଲ୍ସ, ମାର୍କେଟିଂ ଓ ଇଲେକ୍ଟ୍ରୋନିକ୍ସ ବ୍ୟବସାୟରେ ୨୫ ପ୍ରତିଶତ ଛଟେଇ ହୋଇପାରେ। କେବଳ ଇଲେକ୍ଟ୍ରୋନିକ୍ସ କାରବାର ପାଇଁ ୬୦୦ ପାଖାପାଖି ଅଧିକାରୀ କାମ କରୁଛନ୍ତି। ସେଥିରୁ ୧୫୦ ଜଣ ଚାକିରି ହରାଇବା ଆଶଙ୍କା ରହିଛି।
