1 month ago
11
ARTICLE AD BOX
ମୁମ୍ବାଇ: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଶିବସେନା ପାଇଁ ପୁଣି ଏକ ଖୁସି ଖବର। ଚଳିତ ସପ୍ତାହରେ ଶିବସେନା (ୟୁବିଟି) ବିଧାନ ପରିଷଦ ସଦସ୍ୟ ସଚିନ ଅହିର ସିନ୍ଦେ ଗୋଷ୍ଠୀରେ ଯୋଗ ଦେଇ ବିଧାନ ପରିଷଦ ଉପାଧ୍ୟକ୍ଷ ଭାବେ ନିର୍ବାଚିତ ହୋଇଥିଲେ। ବୁଧବାର ରାତିରେ ସ୍ବାଧୀନ ଭାବେ ଜିତିଥିବା ବିଧାନ ପରିଷଦ ସଦସ୍ୟ କିରଣ ସର୍ନାୟକ ମଧ୍ୟ ସିନ୍ଦେ ଗୋଷ୍ଠୀରେ ଯୋଗଦେଇଛନ୍ତି। ସର୍ନାୟକ ତାଙ୍କ ଦଳରେ ସାମିଲ ହେବା ପରେ ସିନ୍ଦେ ସାମ୍ବାଦିକମାନଙ୍କୁ କହିଥିଲେ ଯେ, ସରନାୟକ ବହୁ ବର୍ଷ ଧରି ବିଭିନ୍ନ ପ୍ରସଙ୍ଗରେ ତାଙ୍କ ସହିତ କାମ କରିଆସୁଛନ୍ତି।
ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ୧ ଲକ୍ଷ ୧ ହଜାର କୋଟି ଟଙ୍କାର ପୁଞ୍ଜନିବେଶ ଲାଗି ବୁଝାମଣାପତ୍ର ସ୍ବାକ୍ଷରିତ
ବର୍ତ୍ତମାନ ସେ ଆନୁଷ୍ଠାନିକ ଭାବରେ ଶିବସେନାର ସହଯୋଗୀ ସଦସ୍ୟ ଭାବରେ କାର୍ଯ୍ୟ କରିବାକୁ ନିଷ୍ପତ୍ତି ନେଇଛନ୍ତି। ଗତ ମାସରେ ବିଧାନ ପରିଷଦ ନିର୍ବାଚନରେ ​​ନାସିକ୍ ନିର୍ବାଚନମଣ୍ଡଳୀରୁ ଶିବସେନା ପ୍ରାର୍ଥୀ କିଶୋର ଦାରାଡେଙ୍କୁ ପରାସ୍ତ କରିଥିବା ବିଜେପି ବିଦ୍ରୋହୀ ଗୋକୁଳ ଗୀତେ ମଧ୍ୟ ସିନ୍ଦେଙ୍କ ଦଳରେ ସହଯୋଗୀ ସଦସ୍ୟ ଭାବରେ ଯୋଗ ଦେଇଛନ୍ତି। ଏହାଦ୍ବାରା ସିନ୍ଦେଙ୍କ ଦଳରେ କ୍ଷମତା ବୃଦ୍ଧି ପାଇଛି। ଏହାପୂର୍ବରୁ ଗତମାସ ଶିବସେନା (ୟୁବିଟି) ୬ ଜଣ ସାଂସଦ ସିନ୍ଦେଙ୍କ ଗୋଷ୍ଠୀରେ ଯୋଗ ଦେଇଥିଲେ।
