3 weeks ago
11
ARTICLE AD BOX
କ୍ଷିତୀଶ ରାୟ
ଭୁବନେଶ୍ବର: ଓଡ଼ିଶାର ସମ୍ବଲପୁର ଜିଲ୍ଲାକୁ ସାପକାମୁଡ଼ାର ଅଧିକ ଭୟ ରହିଛି। ଜିଲ୍ଲାର ୧ ଲକ୍ଷ ଜନସଂଖ୍ୟାରେ ସାପକାମୁଡ଼ାଜନିତ ନୂଆ ମାମଲା ଆଶଙ୍କା (ଇନ୍ସିଡେନ୍ସ ରିସ୍କ) ୪୪ ରହିଥିବା ଆକଳନ କରାଯାଇଛି। ସମ୍ବଲପୁର ଉପରେ କେବଳ ରାଜସ୍ଥାନର ସବୁଠୁ ବଡ଼ ଜିଲ୍ଲା ଜୈସଲମେର ରହିଛି। ଏଠାରେ ୧ ଲକ୍ଷ ଜନସଂଖ୍ୟାରେ ଇନ୍ସିଡେନ୍ସ ରିସ୍କ ୬୫ ରହିଛି। ନିକଟରେ ଆଇସିଏମ୍ଆର ଜାତୀୟ ଟାସ୍କଫୋର୍ସର ଅନୁଧ୍ୟାନରୁ ଏହି ତଥ୍ୟ ସାମନାକୁ ଆସିଛି। ନେଚର୍ କମ୍ୟୁନିକେସନ୍ ପତ୍ରିକାରେ ଆଇସିଏମ୍ଆରର ଏହି ରିପୋର୍ଟ ପ୍ରକାଶ ପାଇଛି। ସାପକାମୁଡ଼ା ମାମଲା ଓ ଏଥିରେ ସର୍ବାଧିକ ମୃତ୍ୟୁ କ୍ଷେତ୍ରରେ ଭାରତ ବିଶ୍ବରେ ଏକ ଅଲୋଡ଼ା ରେକର୍ଡ ସୃଷ୍ଟି କରିଛି। ଦେଶର ସର୍ବାଧିକ ଲୋକ କୃଷି କ୍ଷେତ୍ରରେ ନିୟୋଜିତ ହୋଇଥିବାରୁ ମଣିଷ-ସାପ ଭିତରେ ଏଭଳି ଲଢ଼େଇ ଦେଖିବାକୁ ମିଳୁଛି। ବିଷଧର ଅହିରାଜ, ଚିତି, ଚନ୍ଦନ ବୋଡ଼ା ଓ ଧୂଳିଆ ନାଗ-ବୋଡ଼ା କାମୁଡ଼ିବା ନେଇ ସର୍ବାଧିକ ମାମଲା ନଜରକୁ ଆସିଥାଏ। ଭାରତରେ ପ୍ରତିବର୍ଷ ୪୫ ହଜାରରୁ ୫୮ ହଜାର ସାପକାମୁଡ଼ାଜନିତ ମୃତ୍ୟୁ ହେଉଛି। ସହରାଞ୍ଚଳ ତୁଳନାରେ ଗ୍ରାମାଞ୍ଚଳରେ ଏହାର ମାତ୍ରା ବହୁତ ଅଧିକ। ବିଶେଷ କରି ବର୍ଷା ଋତୁ (ଜୁନ୍ରୁ ସେପ୍ଟେମ୍ବର)ରେ ଏହି ଘଟଣା ଅଧିକ ମାତ୍ରାରେ ନଜରକୁ ଆସୁଛି।
Attack: ପବିତ୍ର ମୋହନ ପ୍ରଧାନ ଚିକିତ୍ସାଳୟ ଷ୍ଟାର୍ଫ ନର୍ସଙ୍କୁ ଛୁରା ମାଡ଼
ହସ୍ପିଟାଲ୍ରେ ପହଞ୍ଚିବା ପୂର୍ବରୁ ଅଧାରୁ ଅଧିକ ରୋଗୀ ପ୍ରାଣ ହରାଉଛନ୍ତି
ଚଳିତବର୍ଷ ଶୂନ ମୃତ୍ୟୁ ଲକ୍ଷ୍ୟଧାର୍ଯ୍ୟ
ଦେଶର ୧୩ଟି ରାଜ୍ୟର ୩୧ଟି ଜିଲ୍ଲାରେ ଆଇସିଏମ୍ଆର ପକ୍ଷରୁ ଏହି ଅନୁଧ୍ୟାନ ହୋଇଥିଲା। ଏଥିରେ ଓଡ଼ିଶାର କଟକ ଓ ସମ୍ବଲପୁରକୁ ସ୍ଥାନ ଦିଆଯାଇଥିଲା। ୨୦୨୪-୨୫ ମସିହା ଭିତରେ ସାପକାମୁଡ଼ା ମାମଲା ଓ ଏଥିରେ ହୋଇଥିବା ମୃତ୍ୟୁର ଅନୁଧ୍ୟାନ ହୋଇଥିଲା। ଦେଶର ୭୦୯୪ ସାପକାମୁଡ଼ା ମାମଲା ବିଚାରକୁ ନିଆଯାଇଛି। ଏହି ସମୟରେ ସମ୍ବଲପୁରରେ ୫୬୩ଟି ସାପକାମୁଡ଼ା ଓ ୧୧ ଜଣଙ୍କର ମୃତ୍ୟୁ ହୋଇଛି। ସେହିପରି କଟକରେ ୮୬୯ଟି ମାମଲା ଓ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ବିପଦ ଆକଳନ ରହିଛି ୨୬.୮। ପୂର୍ବରୁ ୱାନ୍ ମିଲିଅନ୍ ଡେଥ୍ ଷ୍ଟଡିରେ ଦେଶର ୧ଲକ୍ଷ ଜନସଂଖ୍ୟାରେ ସାପକାମୁଡ଼ାଜନିତ ମୃତ୍ୟୁ ୬ ହୋଇପାରେ ବୋଲି ଦର୍ଶାଯାଇଥିଲା। ଆଇସିଏମ୍ଆର ଗବେଷଣାରେ ନୂଆ ଗବେଷଣାରେ ଦେଶରେ ୧ଲକ୍ଷ ଜନସଂଖ୍ୟାରେ ମୃତ୍ୟୁ ହାର ୦.୩୩ ରହିଛି। ଯାହାକି ପୂର୍ବ ରିପୋର୍ଟ ତୁଳନାରେ ଯଥେଷ୍ଟ କମ୍। ତେବେ ଉତ୍ତରପ୍ରଦେଶ, ବିହାର ଓ ମଧ୍ୟପ୍ରଦେଶ ଭଳି ରାଜ୍ୟ ଏହି ଗବେଷଣାରେ ସାମିଲ ହୋଇ ନ ଥିବାରୁ ମୃତ୍ୟୁ ହାର ବହୁତ ହ୍ରାସ ପାଇଥିବା କୁହାଯାଉଛି।
Nita Ambani: ଫର୍ଚ୍ୟୁନ୍ର ସବୁଠୁ ପ୍ରଭାବଶାଳୀ ମହିଳା ତାଲିକାରେ ନୀତା ଅମ୍ବାନୀ ୧ ନମ୍ବର
ରିପୋର୍ଟରେ ଆଉ ଏକ ଚିନ୍ତାଜନକ ତଥ୍ୟ ଦର୍ଶାଯାଇଛି। ଏଥିରେ କୁହାଯାଇଛି ଯେ ଅନେକ ସାପକାମୁଡ଼ା ରୋଗୀ ଝଡ଼ାଫୁଙ୍କା ଉପରେ ନିର୍ଭର କରୁଥିବାରୁ ହସ୍ପିଟାଲରେ ପହଞ୍ଚିବା ପୂର୍ବରୁ ପ୍ରାଣ ହରାଉଛନ୍ତି। ଏହାସହ ସାପକାମୁଡ଼ାର ଶିକାର ହେଉଥିବା ୫୩% ଲୋକ ଗରିବ ଶ୍ରେଣୀର। ଏହି ବର୍ଗ ଆୟୁଷ୍ମାନ ଭାରତ ସ୍ବାସ୍ଥ୍ୟବୀମା ପାଇବା ପାଇଁ ଯୋଗ୍ୟ ହୋଇଥିଲେ ବି ମାତ୍ର ୧୨% ଲୋକଙ୍କ ସ୍ବାସ୍ଥ୍ୟ ବୀମା ରହିଛି। ସାପ କାମୁଡ଼ିବା ପରେ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ରୋଗୀଙ୍କ ଖର୍ଚ୍ଚ ସାଢ଼େ ୭ହଜାରରୁ ୨୭ହଜାର ଟଙ୍କା ପର୍ଯ୍ୟନ୍ତ ରହିଛି। ତେଣୁ ଗ୍ରାମାଞ୍ଚଳରେ ଆଶା କର୍ମୀଙ୍କୁ ପ୍ରାଥମିକ ଚିକିତ୍ସା , କେଉଁ ସାପ ବିଷାକ୍ତ ଓ କେଉଁଟି ନୁହେଁ ଓ ସାପକାମୁଡ଼ା ରୋଗୀଙ୍କ ଲକ୍ଷଣ ସଂପର୍କରେ ତାଲିମ୍ ଦିଆଯିବାର ଆବଶ୍ୟକତା ରହିଛି। ଯାହାଫଳରେ ବହୁ ସଂଖ୍ୟାରେ ସାପକାମୁଡ଼ା ରୋଗୀଙ୍କ ଜୀବନ ରକ୍ଷା ହୋଇପାରିବ ବୋଲି ରିପୋର୍ଟରେ ପ୍ରସ୍ତାବ ଦିଆଯାଇଛି। ଅପରପକ୍ଷରେ ଚଳିତବର୍ଷ ରାଜ୍ୟ ସରକାର ଶୂନ ସାପକାମୁଡ଼ା ପାଇଁ ଲକ୍ଷ୍ୟ ରଖିଛନ୍ତି। ନିକଟରେ ସ୍ବାସ୍ଥ୍ୟ ବିଭାଗ ପକ୍ଷରୁ ସମସ୍ତ ସିଡିଏମ୍ଓଙ୍କ ସହ ହୋଇଥିବା ବୈଠକରେ ଏହାକୁ ଗୁରୁତ୍ବ ଦିଆଯାଇଥିଲା। ଏଥିପାଇଁ ଆଗୁଆ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି। ଉଲ୍ଲେଖ ଯେ ଓଡ଼ିଶାରେ ପ୍ରତିବର୍ଷ ହଜାର ଜଣ ସାପକାମୁଡ଼ାରେ ପ୍ରାଣ ହରାଉଛନ୍ତି।
