6 days ago
6
ARTICLE AD BOX
ନୂଆଦିଲ୍ଲୀ:ଆମେରିକା ଓ ଏହାର ସହଯୋଗୀ ଦେଶଗୁଡ଼ିକ ଉପରେ ଚାପ ସୃଷ୍ଟି କରିବା ପାଇଁ ଇରାନ୍ ବର୍ତ୍ତମାନ ୟେମେନର ହୁତି ବିଦ୍ରୋହୀ ଏବଂ ଇରାକର ମିଲିସିଆ ଗୋଷ୍ଠୀଗୁଡ଼ିକୁ ବ୍ୟାପକ ଭାବେ ବ୍ୟବହାର କରୁଥିବା ଆଞ୍ଚଳିକ ଅଧିକାରୀ ଓ ବିଶେଷଜ୍ଞମାନେ ପ୍ରକାଶ କରିଛନ୍ତି। ସେପ୍ଟେମ୍ବର ୮ ତାରିଖରେ ଇରାନ୍ ସମର୍ଥିତ ହୁତି ସେନା ଦକ୍ଷିଣ ସାଉଦି ଆରବର ଅଭା, ନଜରାନ ଏବଂ ଜିଜାନଠାରେ ଥିବା ସରକାରୀ ତେଲ କମ୍ପାନୀ ''ଆରାମକୋ''ର ଶକ୍ତି ପ୍ରକଳ୍ପଗୁଡ଼ିକ ଉପରେ କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣ କରିଥିଲେ। ଏହି ଆକ୍ରମଣ ଯୋଗୁଁ ବିଭିନ୍ନ ପ୍ରକଳ୍ପରେ ନିଆଁ ଲାଗିବା ସହ ତେଲ ଯୋଗାଣ ବାଧାପ୍ରାପ୍ତ ହୋଇଛି ଏବଂ ୭୩ ଜଣ ଗୁରୁତର ଆହତ ହୋଇଥିବା ସାଉଦି କର୍ତ୍ତୃପକ୍ଷ ନିଶ୍ଚିତ କରିଛନ୍ତି।
ଯୁଦ୍ଧ ଯୋଗୁଁ ଜାହାଜ ଚଳାଚଳ ବାଧାପ୍ରାପ୍ତ
ଅନ୍ୟପକ୍ଷରେ, ଲାଲ ସମୁଦ୍ର କୂଳରେ ହୁତି ବିଦ୍ରୋହୀମାନେ ନିଜର ପ୍ରଭାବ ବୃଦ୍ଧି କରିବାରେ ଲାଗିଛନ୍ତି। ବିଶ୍ୱର ଅନ୍ୟତମ ଗୁରୁତ୍ୱପୂର୍ଣ୍ଣ ଜଳପଥ ''ବାବ୍ ଏଲ୍-ମାଣ୍ଡେବ୍'' ପ୍ରଣାଳୀଠାରୁ ମାତ୍ର ୮୦ କିଲୋମିଟର ଦୂରରେ ଥିବା ଐତିହାସିକ ବନ୍ଦର ସହର ''ମୋଚା''କୁ ହୁତି ବିଦ୍ରୋହୀମାନେ ନିଜ ନିୟନ୍ତ୍ରଣକୁ ନେଇଛନ୍ତି। ଏହାସହ ସେମାନେ ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ହାନିଶ୍ ଦ୍ୱୀପପୁଞ୍ଜ ଆଡ଼କୁ ଅଗ୍ରସର ହେଉଛନ୍ତି। ଷ୍ଟ୍ରେଟ୍ ଅଫ୍ ହୋରମୁଜରେ ଯୁଦ୍ଧ ଯୋଗୁଁ ଜାହାଜ ଚଳାଚଳ ବାଧାପ୍ରାପ୍ତ ହେବା ପରେ ସାଉଦି ଆରବ ଲାଲ ସମୁଦ୍ର ଦେଇ ତେଲ ପରିବହନ ବୃଦ୍ଧି କରିଥିଲା, ମାତ୍ର ବର୍ତ୍ତମାନ ଏହି ବିକଳ୍ପ ରାସ୍ତା ମଧ୍ୟ ସଙ୍କଟମୋଚନ ବଦଳରେ ହୁତିଙ୍କ ଲକ୍ଷ୍ୟସ୍ଥଳ ପାଲଟିଛି।
Congo: ପୂର୍ବ କଙ୍ଗୋରେ ଦୁଇଟି ସ୍କୁଲରେ ଭୟଙ୍କର ଅଗ୍ନିକାଣ୍ଡ: ୨୪ ଜଣ ଛାତ୍ରଛାତ୍ରୀଙ୍କ ମୃତ୍ୟୁ, ଏକାଧିକ ଆହତ
ସମ୍ପ୍ରତି ଘଟିଥିବା ଏହି ସଂଘର୍ଷ ଯୋଗୁଁ ୟେମେନରେ ପୁନର୍ବାର ସମ୍ପୂର୍ଣ୍ଣ ଗୃହଯୁଦ୍ଧ ଆରମ୍ଭ ହେବାର ଆଶଙ୍କା ଦେଖାଦେଇଛି। ଗତ ଦୁଇ ସପ୍ତାହ ମଧ୍ୟରେ ତାଏଜ୍ ଏବଂ ହୋଡେଇଦାରେ ଚାଲିଥିବା ଲଢ଼େଇ ଯୋଗୁଁ ୨୦,୦୦୦ରୁ ଅଧିକ ଲୋକ ବିସ୍ଥାପିତ ହୋଇସାରିଛନ୍ତି। ହୁତି ବିଦ୍ରୋହୀଙ୍କୁ ନିୟନ୍ତ୍ରଣରେ ରଖିବା ପାଇଁ ସାଉଦି ଆରବ ପାକିସ୍ତାନ ମାଧ୍ୟମରେ ତେହେରାନକୁ ଚେତାବନୀ ପଠାଇଛି। ତେବେ ଇରାନ୍ ବାହାର ପାଖରେ ହୁତିଙ୍କ ଉପରେ ନିଜର ନିୟନ୍ତ୍ରଣ ନଥିବା କହୁଥିଲେ ହେଁ ସୂତ୍ର ଅନୁଯାୟୀ ସାଉଦି ଆରବ ଉପରେ ଆକ୍ରମଣ କରିବାକୁ ଇରାନ୍ ହିଁ ହୁତିମାନଙ୍କୁ ଅସ୍ତ୍ରଶସ୍ତ୍ର ଓ ଆର୍ଥିକ ସହାୟତାର ପ୍ରଲୋଭନ ଦେଇ ନିର୍ଦ୍ଦେଶ ଦେଇଛି।
