2 weeks ago
7
ARTICLE AD BOX
“ଯେତେବେଳେ ବିକାଶ ନାମରେ ପ୍ରକୃତି ବିପଦରେ ପଡ଼େ, ସେତେବେଳେ ତା’ ପାଇଁ କିଏ ସ୍ୱର ଉଠାଇବ?” ଏହି ପ୍ରଶ୍ନର ଉତ୍ତର ଖୋଜିବାରୁ ଆରମ୍ଭ ହୋଇଥିଲା ଏକ ପରିବେଶମୂଳକ ସଂଗଠନ ନ୍ୟାଚୁରାଲ୍ ରିସୋର୍ସେସ୍ ଡିଫେନ୍ସ କାଉନ୍ସିଲ୍ (ଏନ୍ଆର୍ଡିସି )। ଆମେରିକାରେ ପ୍ରତିଷ୍ଠିତ ଏହି ପରିବେଶ ସୁରକ୍ଷା ସଂଗଠନ ଆଜି ପ୍ରକୃତି, ଜଳବାୟୁ, ଜଳ, ବନ୍ୟଜୀବ ଓ ମାନବ ସ୍ୱାସ୍ଥ୍ୟ ପାଇଁ ଏକ ପ୍ରଭାବଶାଳୀ ସ୍ୱର ଭାବେ ପରିଚିତ। ୧୯୭୦ ମସିହାରେ ନ୍ୟୁୟର୍କରେ ପ୍ରତିଷ୍ଠିତ ନ୍ୟାଚୁରାଲ୍ ରିସୋର୍ସେସ୍ ଡିଫେନ୍ସ କାଉନ୍ସିଲ୍ ଏକ ଆମେରିକୀୟ ପରିବେଶ ସଂଗଠନ। ଏହାର ମୁଖ୍ୟାଳୟ ନ୍ୟୁୟର୍କ ସହରରେ ରହିଛି। ଏହି ସଂସ୍ଥା ୱାଶିଂଟନ୍ ଡିସି, ସାନ୍ ଫ୍ରାନ୍ସିସ୍କୋ, ଲସ୍ ଆଞ୍ଜେଲସ୍, ଚିକାଗୋ, ବୋଜେମାନ, ଭାରତ ଓ ଚୀନ୍ରେ ମଧ୍ୟ କାର୍ଯ୍ୟାଳୟ ଖୋଲି କାମ କରୁଛି। ହଡସନ୍ ନଦୀରୁ ପାଣି ପମ୍ପ କରି ଏକ ବିଶାଳ ଜଳବିଦ୍ୟୁତ୍ ପ୍ରକଳ୍ପ ନିର୍ମାଣ କରିବାର ଯୋଜନାକୁ କିଛି ନାଗରିକ ବିରୋଧ କରିଥିଲେ। ହ୍ୱିଟନି ନର୍ଥ ସେମୋର୍ ଜୁନିଅର, ଷ୍ଟିଫେନ୍ ଡୁଗନ୍ ଓ ଡେଭିଡ୍ ସିଭ୍ ଏହି ଯୋଜନା ବିରୋଧରେ ଆଇନଗତ ପଦକ୍ଷେପ ନେଇଥିଲେ। ଏହି ପ୍ରୟାସ ଫଳରେ ପରିବେଶ ସଂଗଠନଗୁଡ଼ିକ ପ୍ରାଶାସନିକ ନିଷ୍ପତ୍ତିକୁ ଆଇନଗତ ଭାବେ ଚ୍ୟାଲେଞ୍ଜ କରିବାର ସୁଯୋଗ ପାଇଥିଲେ। ପରେ ଗସ୍ ସ୍ପେଥ୍ ଓ ୟେଲ୍ ଲ’ ସ୍କୁଲର ଅନ୍ୟ କିଛି ସଦସ୍ୟଙ୍କ ସହଯୋଗରେ ଏନ୍ଆର୍ଡିସି ଗଠିତ ହୋଇଥିଲା। ଜନ୍ ଏଚ୍. ଆଡାମ୍ସ ସଂସ୍ଥାର ପ୍ରଥମ ସଭାପତି ହୋଇଥିଲେ।
Horoscope 2026 September 01: ଜାଣନ୍ତୁ ଆଜିର ରାଶିଫଳ...
ଏନ୍ଆର୍ଡିସି ଆଇନ, ବିଜ୍ଞାନ ଓ ନୀତିକୁ ମାଧ୍ୟମ କରି ପରିବେଶ ସୁରକ୍ଷା ପାଇଁ କାମ କରିଆସୁଛି। ୧୯୭୩ର ଏନ୍ଆର୍ଡିସି ବନାମ ଇପିଏ ମାମଲାରେ ଏହା ପେଟ୍ରୋଲରେ ଥିବା ବିଷାକ୍ତ ସୀସାର ପରିମାଣ କମାଇବା ପାଇଁ ଇପିଏ ଉପରେ ଚାପ ସୃଷ୍ଟି କରିଥିଲା। ପରେ ଭର୍ମଣ୍ଟ ୟାଙ୍କି (୧୯୭୮), ବାଲ୍ଟିମୋର ଗ୍ୟାସ୍ ଏବଂ ଇଲେକ୍ଟ୍ରିକ୍ (୧୯୮୩) ଓ ଚେଭ୍ରନ୍ (୧୯୮୪)ଭଳି ସୁପ୍ରିମକୋର୍ଟ ମାମଲାରେ ମଧ୍ୟ ଏନ୍ଆର୍ଡିସିର ଭୂମିକା ଆମେରିକାର ପ୍ରାଶାସନିକ ଆଇନ ବିକାଶ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଥିଲା। ପରମାଣୁ ଶକ୍ତି ବିଷୟରେ ଏନ୍ଆର୍ଡିସି ଦୀର୍ଘଦିନ ଧରି ସତର୍କ ଏବଂ ବିରୋଧୀ ମତ ରଖିଆସିଛି। ଏହି ସଂସ୍ଥାର ପ୍ରମୁଖ କାର୍ଯ୍ୟ ପରିସର ହେଉଛି ଜଳବାୟୁ ପରିବର୍ତ୍ତନ, ସମ୍ପ୍ରଦାୟ, ଶକ୍ତି, ଖାଦ୍ୟ, ସ୍ୱାସ୍ଥ୍ୟ, ମହାସାଗର, ଜଳ ଓ ବନ୍ୟଜୀବ। ୨୦୨୧ ମସିହାରୁ ମନିଶ ବାପନା ଏହାର ସଭାପତି ଓ ସିଇଓ ଭାବେ ନେତୃତ୍ୱ ନେଉଛନ୍ତି। ଏହିପରି ଆଇନ, ବିଜ୍ଞାନ ଓ ଜନସମର୍ଥନକୁ ଏକତ୍ର କରି ଏହା ଆଜି ମଧ୍ୟ ପୃଥିବୀ, ପରିବେଶ ଏବଂ ସମସ୍ତ ଜୀବଜଗତର ସୁରକ୍ଷା ପାଇଁ ପ୍ରୟାସ ଜାରି ରଖିଛି।
Climate change: ବିଧାୟକ ସନାତନ ବିଜୁଳିଙ୍କ ଉପସ୍ଥିତିରେ ୫୦୦ରୁ ଊର୍ଦ୍ଧ୍ୱ ଚାରା ରୋପଣ ଓ ବଣ୍ଟନ
