50 minutes ago
2
ARTICLE AD BOX
ନୂଆଦିଲ୍ଲୀ: ସାଧାରଣତଃ ଏକ ଭ୍ରାନ୍ତ ଧାରଣା ରହିଛି ଯେ, କୌଣସି ବ୍ୟକ୍ତିଙ୍କ ମୃତ୍ୟୁ ପରେ ମଧ୍ୟ ତାଙ୍କର ନଖ ଏବଂ କେଶ ବଢ଼ିଥାଏ। କିନ୍ତୁ ବିଜ୍ଞାନ ଏହାକୁ ଏକପ୍ରକାର ଭୁଲ୍ ବା ଭ୍ରମ ବୋଲି ପ୍ରମାଣ କରିଛି। ପ୍ରକୃତରେ ମୃତ୍ୟୁ ପରେ କେଶ ବା ନଖ ଆଦୌ ବଢ଼େ ନାହିଁ, ବରଂ ଶରୀରରେ ଘଟୁଥିବା କିଛି ଜୈବିକ ପରିବର୍ତ୍ତନ ଯୋଗୁଁ ଏଭଳି ଦୃଶ୍ୟମାନ ହୋଇଥାଏ।
ବୈଜ୍ଞାନିକ କାରଣ କ’ଣ?
ବାସ୍ତବରେ କେଶ ଏବଂ ନଖ ବଢ଼ିବା ପାଇଁ କୋଷ ବିଭାଜନ ଏବଂ ଅକ୍ସିଜେନ୍ ଆବଶ୍ୟକ ହୋଇଥାଏ। ମୃତ୍ୟୁ ପରେ ଯେତେବେଳେ ହୃଦ୍ସ୍ପନ୍ଦନ ବନ୍ଦ ହୋଇଯାଏ, ସେତେବେଳେ ଶରୀରରେ ରକ୍ତ ସଞ୍ଚାଳନ ମଧ୍ୟ ବନ୍ଦ ହୋଇଯାଏ। ଅକ୍ସିଜେନ୍ ଅଭାବରୁ କୋଷଗୁଡ଼ିକ ଆଉ ଜୀବିତ ରହନ୍ତି ନାହିଁ ଏବଂ କୋଷ ବିଭାଜନ ପ୍ରକ୍ରିୟା ସମ୍ପୂର୍ଣ୍ଣ ବନ୍ଦ ହୋଇଯାଏ। ତେଣୁ ନୂତନ କେଶ କିମ୍ବା ନଖ ସୃଷ୍ଟି ହେବା ସମ୍ଭବପର ନୁହେଁ।
ଆହୁରି ପଢନ୍ତୁ :Dr Ashok Mahapatra: ପଞ୍ଚଭୂତରେ ବିଲୀନ ହେଲେ ପଦ୍ମଶ୍ରୀ ଡାକ୍ତର ଅଶୋକ ମହାପାତ୍ର, ସ୍ୱର୍ଗଦ୍ୱାରରେ ଶେଷକୃତ୍ୟ ସମ୍ପନ୍ନ
ଲମ୍ବା ଦେଖାଯିବାର ପ୍ରକୃତ ରହସ୍ୟ
ମୃତ୍ୟୁ ପରେ ଶରୀରର ଜଳୀୟ ଅଂଶ ଶୁଖିଯିବାକୁ ଲାଗେ ଏବଂ ଟିସୁଗୁଡ଼ିକରୁ କ୍ରମାଗତ ଭାବେ ପାଣି ବାଷ୍ପୀଭୂତ ହୋଇଥାଏ। ଏହି କାରଣରୁ ଚର୍ମ ଏବଂ ନରମ ଟିସୁଗୁଡ଼ିକ ସଙ୍କୁଚିତ ହୋଇଯାଏ। ଆଙ୍ଗୁଠିର ଚର୍ମ ଶୁଖି ସଙ୍କୁଚିତ ହେବା ଦ୍ୱାରା ନଖର ମୂଳଭାଗ ଅଧିକ ସ୍ପଷ୍ଟ ଭାବେ ଦୃଶ୍ୟମାନ ହୁଏ। ଏହାଦ୍ୱାରା ନଖଗୁଡ଼ିକ କିଛି ମିଲିମିଟର ଲମ୍ବା ହୋଇଯାଇଥିବା ଭ୍ରମ ସୃଷ୍ଟି ହୁଏ।
ଆହୁରି ପଢନ୍ତୁ :Cricket: ଦିନିକିଆରେ ଭାରତର ବିଜୟ ଅଭିଯାନ; ନ୍ୟୁଜିଲାଣ୍ଡ ୫ ୱିକେଟ୍ରେ ହାରିଲା
ସେହିପରି ମୁହଁ ଓ ମୁଣ୍ଡର ଚର୍ମ ଶୁଖି ସଙ୍କୁଚିତ ହେବା ଫଳରେ ଗାଲରୁ ଦାଢ଼ି କିମ୍ବା ମୁଣ୍ଡର କେଶଗୁଡ଼ିକ ଅଧିକ ବାହାରକୁ ବାହାରିଥିବା ପରି ଦେଖାଯାଏ। ତେଣୁ ମୃତ୍ୟୁ ପରେ କେଶ ବା ନଖ ବଢ଼ିବା କଥାଟି କେବଳ ଏକ ଲୋକକଥା କିମ୍ବା ଭ୍ରମ ହୋଇଥାଏ।
