2 weeks ago
7
ARTICLE AD BOX
ବାଲିପାଟଣା: ରାଜଧାନୀ ଉପକଣ୍ଠ ବାଲିପାଟଣା ଗାରେଡ଼ିପାଞ୍ଚଣ ଗ୍ରାମରେ ରହିଛି ୧୨ଶହ ଶତାବ୍ଦୀର ଶ୍ରୀବୁଦ୍ଧନାଥ ମନ୍ଦିର। ପ୍ରତ୍ନତତ୍ତ୍ବ ବିଭାଗ ଅଧୀନରେ ଏହି ପ୍ରାଚୀନ ମନ୍ଦିରଟି ରହିଛ ଏବଂ ପ୍ରତ୍ନତତ୍ତ୍ବ ବିଭାଗ ଏହାର ରକ୍ଷଣାବେକ୍ଷଣ କରୁଛି। କିନ୍ତୁ ଏପର୍ଯ୍ୟନ୍ତ ଏହାକୁ ପର୍ଯ୍ୟଟନ କ୍ଷେତ୍ରର ମାନ୍ୟତା ମିଳିପାରିନାହିଁ। ଏବେ ମନ୍ଦିର ଗର୍ଭଗୃହରୁ ବର୍ଷା ପାଣି ଗଳୁଛି ବୋଲି ବଡ଼ପଣ୍ଡା ଚନ୍ଦ୍ରଶେଖର ପଣ୍ଡା କହିଛନ୍ତି। ପର୍ଯ୍ୟଟକ ଓ ଶ୍ରଦ୍ଧାଳୁମାନଙ୍କ ସୁବିଧା ପାଇଁ ଅନେକ କିଛି କାମ ବାକି ରହିଛି। ତେଣୁ ଏହି ମନ୍ଦିରର ସୌନ୍ଦର୍ଯ୍ୟୀକରଣ କରିବା ଓ ଶ୍ରଦ୍ଧାଳୁମାନଙ୍କ ସୁବିଧା ପାଇଁ ପଦକ୍ଷେପ ନେବାରୁ ସ୍ଥାନୀୟ ଲୋକେ ବ୍ଲକ୍ ପ୍ରଶାସନର ଦ୍ବାରସ୍ଥ ହୋଇଛନ୍ତି ଏବଂ ବିଡିଓଙ୍କୁ ଦାବିପତ୍ର ଦେଇଛନ୍ତି।
Droupadi Murmu: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବେ ଗଞ୍ଜାମର ୯୧ ଜଣ କଳାକାର
ସ୍ଥାନୀୟ ଅଧିବାସୀଙ୍କ କହିବା କଥା ପୂର୍ବରୁ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଏହି ପୁରାତନ ମନ୍ଦିରର ସୌନ୍ଦର୍ଯ୍ୟୀକରଣ କାମ କରାଯାଇଛି। ସୁଦୃଶ ତୋରଣ, ପାଚେରି ନିର୍ମାଣ କରାଯାଇଛି। ସେହିଭଳି ମନ୍ଦିରର କିଛି ଭଗ୍ନ ଅଂଶକୁ ମରାମତି କରାଯାଇଛି। କିନ୍ତୁ ପୁଷ୍କରିଣୀ ଓ ମ୍ୟୁଜିଅମ୍ କାମ ଅଧପନ୍ତରିଆ ହୋଇପଡ଼ିଛି। ଶ୍ରଦ୍ଧାଳୁମାନଙ୍କ ପାଇଁ ଭୋଜନ ମଣ୍ଡପଟିଏ ନାହିଁ। ପର୍ଯ୍ୟଟକମାନଙ୍କ ପାଇଁ ବିଶ୍ରାମ କକ୍ଷ ନାହିଁ କି ଭଲ ପାର୍କିଂ ବ୍ୟବସ୍ଥା ନାହିଁ। ସେହିଭଳି ପୋଖରୀର ସୌନ୍ଦର୍ଯ୍ୟୀକରଣ ସମ୍ପୂର୍ଣ୍ଣ ହୋଇ ନଥିବାରୁ ପରିବେଶ ଅସୁନ୍ଦର ଦେଖାଯାଉଛି। ତେଣୁ ଏସବୁ ସମସ୍ୟାର ସମାଧାନ କରିବା ସହ ଏହାକୁ ପର୍ଯ୍ୟଟନ କ୍ଷେତ୍ରର ମାନ୍ୟତା ଦେବା ପାଇଁ ପଦକ୍ଷେପ ଗ୍ରହଣ କରିବାକୁ ବୁଦ୍ଧିଜୀବୀମାନେ ବିଡିଓଙ୍କୁ ଦାବିପତ୍ର ପ୍ରଦାନ କରିଛନ୍ତି।
Climate change: ବିଧାୟକ ସନାତନ ବିଜୁଳିଙ୍କ ଉପସ୍ଥିତିରେ ୫୦୦ରୁ ଊର୍ଦ୍ଧ୍ୱ ଚାରା ରୋପଣ ଓ ବଣ୍ଟନ
ବାଲିପାଟଣା ବ୍ଲକ୍ ବିଡିଓ ଶୁଭ୍ରାଂଶୁ ଶେଖର ପାଢ଼ୀ, ସହକାରୀ ଯନ୍ତ୍ରୀ ଅର୍ଚ୍ଚନା ଦାଶ, ଯନ୍ତ୍ରୀ ବର୍ଷା ମଲ୍ଲ ପ୍ରମୁଖ ଆଜି ଏହି ମନ୍ଦିର ପରିଦର୍ଶନ କରିଛନ୍ତି। ପ୍ରଶାସନ ତରଫରୁ ଯଥାସମ୍ଭବ ସହଯୋଗ ଯୋଗାଇ ଦିଆଯିବ ବୋଲି ବିଡିଓ ଶ୍ରୀ ପାଢ଼ୀ ପ୍ରତିଶ୍ରୁତି ଦେଇଛନ୍ତି। ବିଡିଓଙ୍କ ନେତୃତ୍ବରେ ଆସିଥିବା ଏହି ଟିମ୍କୁ ମନ୍ଦିର ଟ୍ରଷ୍ଟର ସଦସ୍ୟ ମିଲୁ ପଣ୍ଡା, ସୁନୀଲ କୁମାର ପଣ୍ଡା, ଦିଲୀପ କୁମାର ଓଝା, ରମେଶ ଚନ୍ଦ୍ର ରଥ ଓ ଅଭିମନ୍ୟୁ ନାୟକ ପ୍ରମୁଖ ମନ୍ଦିରର ସମସ୍ୟାଗୁଡ଼ିକ ବୁଲି ଦେଖାଇଥିଲେ।
