1 week ago
5
ARTICLE AD BOX
ନୂଆଦିଲ୍ଲୀ: ଟ୍ବିଟର୍ର ପ୍ରତିଷ୍ଠାତା ଜ୍ୟାକ୍ ଡୋର୍ସି ବିକାଶ କରିଥିବା ‘ବିଟ୍ଚାଟ୍’ ଆପ୍ ଉପରେ କେନ୍ଦ୍ର ସରକାର କଟକଣା ଲଗାଇଛନ୍ତି। ଏହି ଆପ୍କୁ ତୁରନ୍ତ ହଟାଇବାକୁ ଗିଟ୍ହବ୍କୁ ନିର୍ଦ୍ଦେଶ ଦିଆଯାଇଛି। ଦିଲ୍ଲୀରେ ଚାଲିଥିବା ନିଟ୍ ପ୍ରଶ୍ନପତ୍ର ଲିକ୍ ସମ୍ପର୍କିତ ଆନ୍ଦୋଳନରେ ଏହି ଆପ୍ର ଗୁରୁତ୍ବପୂର୍ଣ୍ଣ ଭୂମିକା ରହିଥିଲା। ବିକ୍ଷୋଭକାରୀମାନେ ପରସ୍ପର ସହ ଯୋଗାଯୋଗରେ ରହିବାରେ ତାହା ସାହାଯ୍ୟ କରିଥିଲା। ବିକ୍ଷୋଭ କିମ୍ବା ଗମ୍ଭୀର ଆଇନ ଶୃଙ୍ଖଳା ସ୍ଥିତିରେ ଏହି ଆପ୍ର ଅପବ୍ୟବହାର ହୋଇପାରେ ବୋଲି ସରକାର ଭାବୁଛନ୍ତି। ସେଥିପାଇଁ ତାହାକୁ ହଟାଇବା ପାଇଁ ଭାରତୀୟ ସାଇବର ଅପରାଧ ସମନ୍ବୟ କେନ୍ଦ୍ର (ଆଇ୪ସି) ନିର୍ଦ୍ଦେଶ ଦେଇଛି।
ଆଇ୪ସିର ନିର୍ଦ୍ଦେଶର ଏକ ନକଲକୁ ଡୋର୍ସି ସୋସିଆଲ ମିଡିଆ ‘ଏକ୍ସ’ରେ ସେୟାର କରିଛନ୍ତି। ଆଇଟି ନିୟମର ଧାରା ୭୯(୩)(ବି) ଅଧୀନରେ ବିଟ୍ଚାଟ୍କୁ ତିନି ଘଣ୍ଟା ମଧ୍ୟରେ ହଟାଇବାକୁ ଗିଟ୍ହବ୍କୁ କୁହାଯାଇଛି। ବିଟ୍ଚାଟ୍ ଭଳି ପ୍ରଯୁକ୍ତିକୁ ଭାରତ ସରକାର ପସନ୍ଦ କରୁନାହାନ୍ତି। ତାହାକୁ ହଟାଇବାକୁ ଚାହୁଥିବା ଡୋର୍ସି କହିଛନ୍ତି। ହିଂସାତ୍ମକ ବିକ୍ଷୋଭ, ମିଥ୍ୟା ପ୍ରଚାର, ଅପରାଧିକ ଷଡ଼୍ଯନ୍ତ୍ର ଭଳି କାମରେ ଏଭଳି ଆପ୍ର ଅପବ୍ୟବହାର ଆଶଙ୍କା ରହିଛି ଯାହା ଭାରତର ସାର୍ବଭୌମ, ସଂହତି ଓ ସୁରକ୍ଷା ପ୍ରତି ବିପଦ ବୋଲି ସରକାର ଭାବୁଛନ୍ତି।
ଆହୁରି ପଢନ୍ତୁ: Manipur: ମଣିପୁର ହିଂସା ମାମଲାର ଶୀଘ୍ର ବିଚାର ପାଇଁ ସ୍ୱତନ୍ତ୍ର କୋର୍ଟ ଗଠନ ପାଇଁ ସୁପ୍ରିମକୋର୍ଟଙ୍କ ପ୍ରସ୍ତାବ
ବିଟ୍ଚାଟ୍ର ସବୁଠୁ ବଡ଼ ଆକର୍ଷଣ ହେଉଛି ଏହା ଚାଲିବା ଲାଗି ମୋବାଇଲ୍ ନେଟ୍ୱର୍କ କିମ୍ବା ଇଣ୍ଟରନେଟ୍ ଦରକାର ନାହିଁ। ବ୍ଲୁଟୁଥ୍କୁ ବ୍ୟବହାର କରି ତାହା କାମ କରିଥାଏ। ଫଳରେ କୌଣସି ଏକ ନିର୍ଦ୍ଦିଷ୍ଟ ସ୍ଥାନରେ ଏକତ୍ରୀତ ହୋଇଥିବା ଲୋକମାନେ ବିନା ଇଣ୍ଟରନେଟ୍ରେ ତାହାକୁ ବ୍ୟବହାର କରି ମେଜେସ୍ର ଆଦାନପ୍ରଦାନ କରିପାରୁଛନ୍ତି। ସିଜେପି ବିକ୍ଷୋଭକାରୀମାନେ ଦିଲ୍ଲୀ ଆନ୍ଦୋଳନରେ ସେହି ଆପ୍ ବ୍ୟାପକ ଭାବେ ବ୍ୟବହାର କରିଥିବା ଅନୁମାନ କରାଯାଉଛି। ‘ଆଇ୪ସି’ର କହିବାନୁସାରେ ଆଇନ ଶୃଙ୍ଖଳା ସ୍ଥିତି ବଜାୟ ରଖିବା ପାଇଁ ସରକାର ବିଭିନ୍ନ ସମୟରେ ଇଣ୍ଟରନେଟ୍ ଯୋଗାଯୋଗ ଉପରେ କଟକଣା ଲଗାଇଥାନ୍ତି। ବେଆଇନ ଭାବେ ଏକତ୍ରୀତ ହେବା କିମ୍ବା ବିକ୍ଷୋଭକୁ ରୋକିବା ଲାଗି ସେଭଳି କଟକଣା ଲଗାଯାଏ। କିନ୍ତୁ ବିଟ୍ଚାଟ୍ ବ୍ୟବହାର କରୁଥିବା ଲୋକମାନଙ୍କୁ ସେହି କଟକଣା ପ୍ରଭାବିତ କରିପାରୁନାହିଁ। ସେମାନେ ବିନା ଇଣ୍ଟରନେଟ୍ରେ ଯୋଗାଯୋଗରେ ରହୁଛନ୍ତି। ଫଳରେ ଯୋଗାଯୋଗର ପ୍ରକୃତ ଉତ୍ସକୁ ଖୋଜି ବାହାର କରିବା ଆଇନ ପ୍ରଣୟନକାରୀ ସଂସ୍ଥାଗୁଡ଼ିକ ପାଇଁ କଷ୍ଟକର ହୋଇପଡ଼ୁଛି।
ଆହୁରି ପଢନ୍ତୁ: Resignation: ଇସ୍ତଫା ଦେଲେ କେନ୍ଦ୍ରମନ୍ତ୍ରୀ ରବନୀତି ସିଂହ ବିଟ୍ଟୁ: ରାଷ୍ଟ୍ରପତିଙ୍କ ଦ୍ବାରା ଇସ୍ତଫା ଗୃହୀତ
ଅନ୍ୟପଟେ ଜନ୍ତରମନ୍ତର ଯାଉଥିବା ଆନ୍ଦୋଳନକାରୀଙ୍କୁ ଚିହ୍ନଟ କରିବା ପାଇଁ ଦିଲ୍ଲୀ ପୁଲିସ ଏଆଇ ଦ୍ବାରା ମୁହଁ ଚିହ୍ନଟ କରିପାରୁଥିବା ଭ୍ୟାନ୍ ମୁତୟନ କରୁଥିବା ଅଭିଯୋଗ ପରେ ବିତର୍କ ଆରମ୍ଭ ହୋଇଛି। ଏଆଇ ଟେକ୍ନୋଲୋଜି ଦ୍ବାରା ଆନ୍ଦୋଳନକାରୀଙ୍କ ଉପରେ ନଜର ରଖାଯାଇଛି ବୋଲି ସୋସିଆଲ ମିଡିଆ ୟୁଜରମାନେ ଅଭିଯୋଗ କରୁଛନ୍ତି। ତେବେ ଭ୍ୟାନ୍ଗୁଡ଼ିକ ସିଷ୍ଟମ ଡାଟାବେସ୍ ସହିତ ସଂଯୁକ୍ତ ଅଛି କି ନାହିଁ ତାହା ଜଣାପଡ଼ି ନାହିଁ। ଧାରଣାସ୍ଥଳର ଭିଡିଓ ‘ଏକ୍ସ’ରେ ବ୍ୟାପକ ଭାବେ ପ୍ରସାରିତ ହେବାରେ ଲାଗିଛି। ଅନେକ ୟୁଜର ଦାବି କରିଛନ୍ତି ଯେ, ଦିଲ୍ଲୀ ପୁଲିସ ଆନ୍ଦୋଳନକାରୀଙ୍କ ଚିହ୍ନଟ ପାଇଁ ଏଆଇ-ଚାଳିତ ମୁହଁଚିହ୍ନଟ ପ୍ରଣାଳୀ ବ୍ୟବହାର କରୁଛି।
ଆହୁରି ପଢନ୍ତୁ: Devotee Dies in Puri ପୁଣି ବଡ଼ଦାଣ୍ଡରେ ଅଣନିଃଶ୍ବାସଜନିତ ମୃତ୍ୟୁ
କକ୍ରୋଚ୍ ଜନତା ପାର୍ଟି (ସିଜେପି) ‘ଏକ୍ସ’ରେ ସେୟାର କରିଥିବା ଭିଡିଓ କ୍ଲିପରେ ୩୬୦-ଡିଗ୍ରି କ୍ୟାମେରା ସହିତ ସଜ୍ଜିତ ଏକ ଲାଇଭ୍ ସିସିଟିଭି ନିରୀକ୍ଷଣ ଯାନର ଫୁଟେଜ୍ ଦେଖାଯାଉଥିବା ଜଣାପଡ଼ିଛି। ଯାନ ଭିତରେ ଥିବା ସ୍କ୍ରିନରେ କିଛି ପ୍ରଦର୍ଶନକାରୀଙ୍କ ନାମ, ଫଟୋଗ୍ରାଫ୍ ଓ ଅନ୍ୟାନ୍ୟ ବିବରଣୀ ମଧ୍ୟ ପ୍ରଦର୍ଶିତ ହେଉଥିବା ଜଣାପଡ଼ିଛି। ଭିଡିଓରେ ଆଧାର କାର୍ଡ଼ ସମ୍ପର୍କରେ କୌଣସି ଉଲ୍ଲେଖ ନାହିଁ। ତେବେ ମୁହଁର ସ୍କାନିଂ ପରେ ଏହା ବ୍ୟକ୍ତିଗତ ସୂଚନା ବାହାର କରି ପାରୁଥିବାରୁ ଅନେକ ସାମାଜିକ ଗଣମାଧ୍ୟମ ବ୍ୟବହାରକାରୀ ସେଥିପାଇଁ ଆଧାର କାର୍ଡ଼ କିମ୍ବା ଅନ୍ୟ ସରକାରୀ ଡାଟାବେସ୍ ସହିତ ଏହାର ଲିଙ୍କ ରହିଥିବା ନେଇ ପ୍ରଶ୍ନ କରିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ଦିଲ୍ଲୀ ପୁଲିସ ଧାରଣାସ୍ଥଳ ନିକଟରେ ଦୁଇଟି ସର୍ଭିଲେନ୍ସ ଗାଡ଼ି ମୁତୟନ କରିଛି। ଗୋଟିଏ ମୋବାଇଲ ମନିଟରିଂ ୟୁନିଟ୍ ଯାହା ସିସିଟିଭିରୁ ସିଧାସଳଖ ତଥ୍ୟ ନେବା ପାଇଁ ଓ ଅନ୍ୟଟି ଏହି ସବୁ ଭିଡିଓର ଏଆଇ ଆନାଲିସିସ୍ ପାଇଁ ରଖାଯାଇଛି।
